ຄວາມເປັນມາຂອງບໍລິສັດ

ໄດ້ຮັບການສ້າງຕັ້ງຂຶ້ນໃນປີ 2009, ບໍລິສັດ ທະນະຊັບ ລິດຊິງ ແອນ ຟາຍແນນ ຈຳກັດ ໄດ້ຈະເລີນເຕີບໂຕ ແລະ ເປັນທີ່ຮູ້ຈັກ, ດ້ວຍການເລີ່ມຕົ້ນຈາກການມີພະນັກງານທັງໝົດພຽງແຕ່ 10 ຄົນເທົ່ານັ້ນໃນປີ 2009 ແລະ ໄດ້ເຕີບໃຫຍ່ຂະຫຍາຍໂຕຈົນມີພະນັກງານເພີ່ມຂຶ້ນຫຼາຍກ່ວາ 100 ຄົນໃນປັດຈຸບັນ. ໄດ້ມີການເພີ່ມປະເພດການໃຫ້ບໍລິການສິນເຊື່ອຈາກສິນເຊື່ອລົດໃຫຍ່ໄປຫາລົດຈັກ ໃນປີ 2010.

ບໍລິສັດ ທະນະຊັບ ຍັງປະກອບດ້ວຍທີມງານທີ່ເຮັດວຽກລວມກັນເປັນທີມທີ່ມີຄວາມຊ່ຽວຊານລະດັບສາກົນ ແລະ ມີບຸກຄະລາກອນທີ່ມີປະສົບການຫຼາຍດ້ານເຊັ່ນ: ດ້ານການເງິນ, ການທະນາຄານ, ກົດໝາຍ, IT, ບໍລິຫານຄວາມສ່ຽງ ແລະ ອື່ນໆ. ຄະນະຜູ້ບໍລິຫານ ບໍລິສັດ ທະນະຊັບລິດຊິງ ແອນ ຟາຍແນນ ຈຳກັດ ຍັງໄດ້ວາງນະໂຍບາຍ ແລະ ຊີ້ນຳແນວທາງໃຫ້ມີຄວາມຮັບຜິດຊອບສູງເພື່ອການບໍລິການທີ່ເປັນເລີດຄຽງຄູ່ກັບການປັບປຸງລະບົບແຜນງານໃຫ້ດີຂຶ້ນ.